Հետաքրքրվա՞ծ ես շրջակա միջավայրի պահպանությամբ, կլիմայի փոփոխության դեմ պայքարով և քո համայնքում դրական փոփոխություններ իրականացնելու հնարավորությամբ։

«Միավորող կամուրջ» սոցիալական ՀԿ-ն հրավիրում է Աշտարակ խոշորացված համայնքում բնակվող 20 երիտասարդների (13–24 տարեկան)՝ մասնակցելու «YOU(th) 4 GREEN Ashtarak» ծրագրին։

Ծրագրի նպատակն է երիտասարդների ակտիվ մասնակցությամբ նպաստել համայնքում բնապահպանական պատասխանատու վարքագծի ձևավորմանը, օրգանական թափոնների կայուն կառավարմանը և շրջակա միջավայրի պահպանությանը։

 Ի՞նչ է ներառում ծրագիրը

Ընտրված մասնակիցները՝

 կմասնակցեն երկու կրթական աշխատաժողովների, որոնց ընթացքում կծանոթանան օրգանական մնացորդների այրման վնասակար ազդեցություններին, կլիմայի փոփոխությանը, առողջության և շրջակա միջավայրի փոխկապակցվածությանը, ինչպես նաև օրգանական գյուղատնտեսության հիմունքներին,

 կմասնակցեն պլոգինգի նախաձեռնություններին՝ նպաստելով համայնքի հանրային տարածքների մաքրմանը,

 կմշակեն և կիրականացնեն բնապահպանական իրազեկման արշավներ Աշտարակ համայնքի բնակավայրերում՝ խթանելով թափոնների պատասխանատու կառավարման մշակույթը,

 փորձագետների հետ միասին կմասնակցեն համայնքի մանկապարտեզներում իրականացվող բնապահպանական կրթական աշխատարաններին՝ նպաստելով երեխաների բնապահպանական գիտելիքների և սովորույթների ձևավորմանը,

 կդառնան համայնքում բնապահպանական արժեքների տարածողներ և դրական փոփոխությունների նախաձեռնողներ։

Մասնակիցները պետք է պատրաստ լինեն ներգրավվելու ծրագրի բոլոր փուլերին՝ ծրագրի իրականացման ամբողջ ընթացքում։

 Ո՞վ կարող է դիմել

Դու կարող ես դիմել, եթե՝

 13–24 տարեկան ես,

 բնակվում ես Աշտարակ խոշորացված համայնքում,

 հետաքրքրված ես շրջակա միջավայրի պահպանությամբ և համայնքային կյանքին ակտիվ մասնակցությամբ,

 պատրաստ ես սովորելու, համագործակցելու և իրականացնելու գործնական բնապահպանական նախաձեռնություններ,

 կարող ես մասնակցել ծրագրի բոլոր փուլերին։

Հատկապես խրախուսվում է գյուղական բնակավայրերում ապրող և Արցախից բռնի տեղահանված երիտասարդների մասնակցությունը։

 Ի՞նչ կտա քեզ մասնակցությունը

Ծրագրի շրջանակում դու՝

 ձեռք կբերես գիտելիքներ կլիմայի փոփոխության, օրգանական թափոնների կառավարման և օրգանական գյուղատնտեսության վերաբերյալ,

 կզարգացնես բնապահպանական առաջնորդության, թիմային աշխատանքի և համայնքային մասնակցության հմտություններդ,

 գործնական փորձ ձեռք կբերես իրազեկման արշավների կազմակերպման և իրականացման ոլորտում,

 կհամագործակցես այլ ակտիվ երիտասարդների, փորձագետների և համայնքային կառույցների ներկայացուցիչների հետ,

 քո ներդրումը կունենաս համայնքի մաքրման, կանաչապատման և բնապահպանական մշակույթի ձևավորման գործում։

Մասնակցությունն անվճար է։

 Դիմելու վերջնաժամկետը՝ 2026 թվականի օգոստոսի 7

 Դիմելու հղումը՝ YOU(th) 4 GREEN Ashtarak – Fill out form

 Հարցերի դեպքում կարող եք գրել՝ robert_meliksetyan@ubngo.am

 Փոփոխությունը սկսվում է քեզնից, իսկ կանաչ համայնքը՝ մեր միասնական քայլերից։