«Միավորող կամուրջ» սոցիալական ՀԿ-ն ուրախ է հայտարարել մասնակիցների բաց կանչ երիտասարդների համար՝ մասնակցելու “AI and I: Training our Critical Eye!” միջազգային աշնանային սեմինարին, որը կազմակերպվում է Rural Youth Europe-ի և Finland 4H-ի կողմից։

Սեմինարը տեղի կունենա 2026 թվականի հոկտեմբերի 10–17-ը Տամմելայում, Ֆինլանդիա, և կմիավորի տարբեր եվրոպական երկրներից երիտասարդների՝ սովորելու, փորձի փոխանակման և մեր ժամանակների ամենաարդիական թեմաներից մեկի՝ արհեստական բանականության, թվային մեդիայի և ապատեղեկատվության շուրջ միասին աշխատելու նպատակով։

Այսօրվա թվային աշխարհում երիտասարդները մշտապես շրջապատված են առցանց տեղեկատվությամբ, AI-ի միջոցով ստեղծված բովանդակությամբ, սոցիալական մեդիայի տարբեր նարատիվներով և ապատեղեկատվության տարբեր ձևերով։ Այս սեմինարը հնարավորություն կստեղծի ավելի լավ հասկանալու այս մարտահրավերները, զարգացնելու քննադատական մտածողությունը և սովորելու, թե ինչպես կարող են երիտասարդները ստեղծարար և պատասխանատու կերպով արձագանքել դրանց։

Ծրագրի ընթացքում մասնակիցները կմասնակցեն ինտերակտիվ աշխատարանների, գործնական առաջադրանքների, խմբային աշխատանքի, միջմշակութային ուսուցման և ստեղծարար հանդիպումների։ Նրանք կուսումնասիրեն, թե ինչպես է արհեստական բանականությունն ազդում տեղեկատվություն ստեղծելու, ստանալու և տարածելու մեր ձևերի վրա, ինչպես նաև՝ թե ինչպես կարող են երիտասարդական կազմակերպությունները աջակցել երիտասարդներին դառնալու ավելի քննադատաբար մտածող և գիտակից թվային քաղաքացիներ։

Սեմինարի հիմնական արդյունքներից մեկը կլինի ինտերակտիվ կրթական խաղի ստեղծումը։ Այլ երկրների մասնակիցների հետ միասին երիտասարդները կներգրավվեն ուսուցողական գործիքի մշակման գործընթացում, որը հետագայում կարող է օգտագործվել երիտասարդական կազմակերպությունների կողմից՝ AI-ի միջոցով ստեղծված բովանդակության, ապատեղեկատվության, մեդիագրագիտության և պատասխանատու թվային վարքագծի վերաբերյալ իրազեկությունը բարձրացնելու նպատակով։

Ի՞նչ կստանան մասնակիցները

Մասնակիցները հնարավորություն կունենան՝

• խորացնել իրենց գիտելիքները արհեստական բանականության, թվային մեդիայի և ապատեղեկատվության վերաբերյալ,
• զարգացնել քննադատական մտածողության և թվային գրագիտության հմտությունները,
• սովորել ոչ ֆորմալ կրթության նոր մեթոդներ և ստեղծարար գործիքներ,
• ձեռք բերել գործնական փորձ բովանդակության ստեղծման և կրթական խաղի մշակման ոլորտներում,
• աշխատել միջազգային թիմում և փոխանակել գաղափարներ տարբեր երկրներից երիտասարդների հետ,
• մշակել գործիքներ և գաղափարներ, որոնք սեմինարից հետո կարող են կիրառվել իրենց համայնքներում,
• ներկայացնել Հայաստանը և «Միավորող կամուրջ» սոցիալական ՀԿ-ն միջազգային կրթական միջավայրում։

Ովքե՞ր կարող են դիմել

Մենք փնտրում ենք մոտիվացված երիտասարդների, ովքեր՝

• 18–30 տարեկան են,
• Հայաստանի Հանրապետության քաղաքացիներ կամ բնակիչներ են,
• հետաքրքրված են արհեստական բանականությամբ, մեդիագրագիտությամբ, ապատեղեկատվությամբ, երիտասարդական աշխատանքով, ոչ ֆորմալ կրթությամբ կամ թվային գործիքներով,
• պատրաստ են ակտիվորեն մասնակցել ամբողջ ծրագրի ընթացքում,
• ունեն անգլերենի բավարար իմացություն՝ քննարկումներին, խմբային աշխատանքներին և աշխատարաններին մասնակցելու համար,
• բաց են միջմշակութային ուսուցման և միջազգային համագործակցության համար,
• պատրաստ են Հայաստան վերադառնալուց հետո իրենց համայնքի կամ կազմակերպության հետ կիսվել սեմինարի ընթացքում ձեռք բերած փորձով և գիտելիքներով,
• հասանելի են սեմինարի ամբողջ ընթացքում՝ ներառյալ ժամանման և մեկնելու օրերը։

Ֆինանսական պայմաններ

Կեցության, սննդի և ծրագրային ծախսերը հոգում են կազմակերպիչները։

Ճանապարհածախսը կփոխհատուցվի կազմակերպիչների սահմանած կանոնների և փոխհատուցման սահմանաչափերի համաձայն՝ 300 եվրոյի սահմանում։ Ընտրված մասնակիցները պետք է նախապես գնեն իրենց տոմսերը և պահպանեն ճանապարհորդության հետ կապված բոլոր փաստաթղթերը՝ ներառյալ տոմսերը, հաշիվ-ապրանքագրերը, անդորրագրերը և նստեցման կտրոնները։

Ճանապարհորդության, փոխհատուցման կարգի և գործնական պատրաստությունների մասին ավելի մանրամասն տեղեկատվությունը կտրամադրվի ընտրված մասնակիցներին։

Մասնակցության վճար՝ 70 եվրո, որը վճարելու եք տեղում
Դիմելու վերջնաժամկետ՝ 13 հուլիսի, 2026, ժամը 23:59
Վայրը՝ Տամմելա, Ֆինլանդիա
Ամսաթվերը՝ 10–17 հոկտեմբերի, 2026

Ընտրության գործընթաց

Խնդրում ենք նկատի ունենալ, որ կապ կհաստատվի միայն ընտրված թեկնածուների հետ։ 

Դիմելու համար՝ Մասնակիցների կանչ. “AI and I: Training our Critical Eye!” – Fill out form

Հարցերի դեպքում կարող եք կապ հաստատել մեզ հետ՝ info@ubngo.am