«Միավորող կամուրջ» ՍՀԿ-ն հիմնադրվել է «Արի Օշական» երիտասարդական նախաձեռնության հիման վրա 2014 թվականին։  2019-ին կազմակերպության հիմնադրման օրվանից «Միավորող կամուրջ» ՍՀԿ-ի թիրախում են Հայաստանի տարբեր մարզերում բնակվող երիտասարդները։

Առաքելություն ունենալով նպաստելու մարզաբնակ երիտասարդների համար հնարավորությունների ստեղծմանն ու տարածմանը՝ ի նպաստ համայնքային զարգացման, «Միավորող կամուրջ» ՍՀԿ-ն համագործակցում է տեղական և միջազգային կազմակերպությունների հետ, կազմակերպում կոնֆերանսներ, սեմինարներ, դասընթացներ և փոխանակման ծրագրեր՝ սոցիալական ներառման, առողջ ապրելակերպի, ոչ ֆորմալ կրթության, երիտասարդների համայնքային մասնակցության, հավասարության և այլ թեմաների վերաբերյալ՝ շահառու երիտասարդների կարիքներին ու հետաքրքրություններին համապատասխան: 

Կազմակերպության  կանոնավոր գործողությունները ներառում են երիտասարդների համար կրթական նախաձեռնությունների ստեղծումը, որոնք ընդգծում են հանդուրժողականությունը, առաջնորդությունը, մարդու իրավունքների հարգումը, սոցիալական ներառումը և ժողովրդավարական սկզբունքները: Կարծրատիպերը կոտրելու և բազմամշակութային երկխոսությունն ու համագործակցությունը խթանելու նպատակով կազմակերպությունը մշակում է երիտասարդների փոխանակման ծրագրեր հայ և միջազգային երիտասարդների միջև: Հաստատված համագործակցություն կա տեղական ինքնակառավարման մարմինների, կառույցների, երիտասարդական նախաձեռնությունների հետ։